अग्नीसाईर कृष्णासवरण गाउँपालिकामा "जीवनका लागि पोषण (N4L)" कार्यक्रमको परिचयात्मक गोष्ठी सम्पन्न
सीतापुर, सप्तरी २०८२ चैत २३ गते
अग्नीसाईर कृष्णासवरण गाउँपालिकाको समन्वय र हर्ड नेपाल (HEARD Nepal) सप्तरीको आयोजना तथा हेलेन केलर (Helen Keller International) को सहयोगमा सञ्चालित "जीवनका लागि पोषण (Nutrition for Life: N4L)" कार्यक्रमको पालिका स्तरीय परिचयात्मक कार्यक्रम मिति २०८२ चैत्र २३ गते सम्पन्न भएको छ ।
अग्नीसाईर कृष्णासवरण गाउँपालिका का.वा.गा.पा अध्यक्ष कल्पना चौधरी ज्यूको अध्यक्षतामा आयोजित उक्त कार्यक्रममा पालिकाको पोषण अवस्था र आगामी योजनाका बारेमा छलफल भएको थियो ।
हर्ड नेपाल (HEARD Nepal) सप्तरीकी कार्यक्रम संयोजक अर्चना गुप्ता ज्यूले संस्थाको परिचय दिँदै "जीवनका लागि पोषण" कार्यक्रमको मुख्य उद्देश्य र यसले स्थानीय समुदायमा पार्ने प्रभावका बारेमा जानकारी गराउनुभएको थियो । उहाँले पोषणयुक्त खानपान र जीवनशैलीले मानव जीवनको गुणस्तरमा ल्याउने परिवर्तनका बारेमा सहजीकरण गर्नुभयो ।